HOMESCHOOLING

Homeschooling-a, gero eta gehiago ikusten den fenomenoa da. Homeschooling deitzen zaio bakoitzak, eskolara joan gabe, bere etxean ikasteari. Honek noski, gauza guztiak bezala, bere alde positibo eta negatiboak ditu.

Honek dakartzan gabezien inguruan, azpimarragarrienak honako hauek dira: haurrak ez du harremanik egingo klasekideekin, gainera ez du kultura aniztasunik ezagutuko eta ez du inolako titulurik eskuratuko egindako ikasketengatik. Gainera, gurasoek formazio falta izan ohi dute beraien seme alabei irakasteko, eta horrelako kasuetan askotan, gehiegi zentratzen dira umearen interesetan, balantza bilatu gabe.

Beste alde batetik, ikasketa mota honen onuretan zentratuz, baditu beste hainbat abantaila. Haurrak ez dira etxetik atera behar eskolara joateko, ordutegi malguagoa dute, emandako materia beraien interesetan oinarritzen da, eta gainera gurasoekiko harremana estutzeko eta haiekin denbora gehiago konpartitzeko aukera dute. Gainera, presio gutxiago izan ohi dute, ebaluazioa sistema ere malguagoa izan ohi da eta.

Hezkuntza metodo berri hau oso ezberdina da tradizionalarekiko noski, eta nahiz eta hainbat abantaila izan, uste dut metodo hau ez dutela familia guztiek eskuragarri, guraso guztiek ez baitituzte eduki beharreko ezagutzak edota nahikoa baliabide ekonomiko lana utzi eta etxean seme alabak hezteko.