SALBURUARA BISITA (K2)

Bigarren lau hileko honetan, bigarren modulu lana egin behar izan dugu, K2-a. Lan hau burutzeko, egoera erreal batean oinarritu behar izan gara, eta horretarako, irteera bat egin dugu eskola bateko ikasleekin proposatu zitzaigun bezala.

Gure kasuan, Salburua parkera joan ginen, Armentia ikastolako 5.mailako haurrekin. Salburua parkea, Gasteizeko parke naturalik handiena da eta oso ederra da gainera, horregatik oso gustuko dute haurrek. Honetaz gain, ekintza eta bisita gidatu asko eskaintzen dira eskolei bideratuak. Irteerako eguna iristean, parkean bertan ikastolako haurrekin elkartu eta bisita hasi genuen.

Lan honek, lauhileko bakoitzeko lana izateaz gain, hainbat helburua ditu; etorkizuneko irakasle gisa ikasleengana hurbiltzea, irteerako jarduerak lehen pertsonan bizitzea, ikasle-irakasleen arteko harremana ikustea bertan sortu daitezkeen gatazkei irtenbidea bilatzen saiatzea eta irakasleen funtzioak aztertzea esaterako, beste hainbesteren artean.

Amaitzeko, esan beharra dut oso gustura sentitu ginela irteeran zehar ikasleekin, eta gainera, oso erabilgarria izan dela uste dut.  Ikasten ari garen bitartean ere, umeekiko harremana eta gertutasuna izatea ezinbestekoa dela uste dut. Bisitan zehar egin genituen ekintza guztiak apuntatzen ere joan ginen, K2-a xehetasun gehiagorekin egin ahal izateko.