UNITATE DIDAKTIKOA

Modulu lanaz gain, unitate didaktiko bat ere egin dugu. Gure taldea Salburua parkera joan ginenez K2-a egiteko, horri lotutako unitate didaktiko bat proposatu behar genuen. Modulu lanean, talde bakoitzak bere baliabidean ikusitakoa gure asignaturekin lotu behar genuen, baina baliabide gehienek, zerikusi gutxi dute matematikekin. Hortaz, matematikari bideratutako unitate didaktiko bat proposatu behar izan dugu taldeka.

Gainera, unitate didaktikoa arazo batean oinarritutako metodologia erabiliz sortu dugu; hau da, klasean matematikak lantzen ari garela, arazo bat sortu da, beraz, horri irtenbidea ematen laguntzeko, Salburuara joango gara ikasleekin. Irteera baliatuz, horretan oinarritutako proiektu bat planteatuko zaie ikasleei, matematikak lantzera zuzendutakoa, noski.

Unitate didaktikoaren hasieran, oso galduta ginen, ez genekien oso ondo nondik hasi eta norantz jo; egia esan, nahiko zaila iruditzen zitzaigun Salburuako irteera matematikekin lotzea, Natur zientziak dira gehien lantzen diren arloa eta. Baina pixkanaka pixkanaka, lortu genuen arazo baten bidez, proiektua sortzea. 

Esan bezala hasieran galdu xamar ibili arren, oso proiektu interesgarria iruditu zait biharko eguneko irakasle gisa; ikasgaiak beste era batera planteatzen ikasi baitut, era tradizionala eta liburuak alde batera utzita. Gainera, ikasleentzat ere ikaskuntza erabilgarriagoa dela uste dut, entretenigarriagoa izateaz gain.